يلزمو عملية عاجلة في أقرب وقت في المستشفى العسكري ابنة الفنان عبد اللطيف الغزي توجه رسالة عاجلة الوقت يجري



قالت ابنة الفنان عبد اللطيف الغزي في تدوينة على حسابها الرسمي ما يلي


عسلامة 


أنا بنت عبد اللطيف الغزي


بابا جاتو جلطة خفيفة و تعدى منها لاباس و كيف عملنا كشف على العروق تبين انو فما 3 عروق في القلب ضعفو من السكر ، و بالتالي لازمو عملية قلب مفتوح اللي هي النوع هذا من العمليات مايعملوهاش في مستشفيات القيروان 


بابا عندو 12يوم مقيم بقسم القلب و الشرايين في مستشفى ابن جزار بالقيروان ، لليوم و أحنا نستناو باش نحولوه للمستشفى العسكري.


المستشفى العسكري عطاه موعد نهار 17أفريل و لكن حالتو في تدهور يوم بعد يوم ، من جهة أخرى الطاقم الطبي قلنا لازم يعمل العملية في أقرب وقت


بابا قدم الكثير للفن و للثقافة ، كذلك قدم الكثير الكثير لإدارة الموسيقى و الرقص و خدم لجنة إسناد بطاقات الإحتراف الفني منذ سنين طوال و إلى حد الآن و كذلك لجنة إسناد المنح الضرفية و الإستثنائية و كان في كل مرة يتنازل على المقابل...


أحنا موش طالبين لا فلوس لا شيء ، أحنا نحبو نقربو موعد العملية في المستشفى العسكري


الإمكانيات المادية متوفرة و الحمدلله و لكن نطالبو بالتسريع في الإجرائات